පියවර

Tuesday, March 26, 2019

උඹේ ආදරයම කෑදරකමක්
හැබැයි මම උඹේ ආදරයට කෑදරයි

ඉද හිට ඇද හැලෙන වැස්සෙන්
පිණි සීතල වින්දෙ
යලිත් වැහි ළිහිනියෝ
ඉගි කරන දවසක්වත්
නොදැනයි...

ඔහුට හිමිකම් ඇති
ඔබට සෙනෙහස දුන්න
නොකී කතාවක
එක් පිටුවක්

ආ මග දනිමි

යායුතු මගද දනිමි

එනමුදු

අතරමං වන්නට පුලුවන්ද

එක මොහොතක්

අවැසි නැති මගක?

I don't do mistakes ...

I am the mistake

ඔහු :
දොරගුලු හැරලමු අප දෙහදේ
හිනැහෙමු පෙර අපි පැතූ ලෙසේ
කිසිවෙකු නොදකින නිහඬ පැයේ
තනිවෙමු මොහොතක්.. අපේ ලොවේ..

ඇය:
දොරගුලු ලන්නට සියලු පැතුම්,
අවසර දෙනවද නොවි පමා,
කිසිවෙකු නොහඳුන ස්නේහ පැතුම්,
සිර කර හිනැහෙමි සදා මෙමා.

ඔහු:
ගිමන් නිවන්නට ජීවිතයේ,
යලි කෙදිනද ඉඩ සැලසෙන්නේ..
නොදනිමු එය අප, නොවී පමා
පියවර මැන යමු..
යොදුන් ගෙවා..

ඇය:
ගිමන් නිවන දිනක්
යලිත් කිසිදා නොඑන බව
දැන දැන,
යොදුන් ගනන් ඇවිද ගිය මංමාවත් ඇසුවා මගෙන්
පමා කිමද කියා . .
දැන උන්නා නම් එය සිහිනයක්ම බව ...